63 տարեկանից, եթե անձն ունի առնվազն 10 օրացուցային տարվա աշխատանքային ստաժ։ Եթե ստաժը 10 տարուց պակաս է, 65 տարեկանից կարող եք ստանալ ցմահ ծերության նպաստ, որի չափը 2026թ. ապրիլի 1-ից 46,000 դրամ է։ Եթե դիմեք 65 տարին լրանալուց հետո 3 ամսվա ընթացքում, նպաստը կնշանակվի 65 տարին լրանալու օրվանից։

Այո, մեկ տարի շուտ (62 տարեկանից), եթե բավարարվում են երկու պայման՝ անձն ունի առնվազն 35 տարվա աշխատանքային ստաժ, և անձը չի աշխատում։ 63 տարեկանից կենսաթոշակ ստանալու համար չաշխատելը պարտադիր չէ, իսկ 62 տարեկանից ստանալու համար՝ պարտադիր է։

Կուտակային կենսաթոշակը կարելի է ստանալ նաև 55 տարեկանից, եթե կուտակած գումարն այնքան մեծ է, որ ամսական վճարը կկազմի 170,000 դրամից ավելի։

2026թ. ապրիլի 1-ից նվազագույն կենսաթոշակը 46,000 դրամ է։

Բացի այդ, կենսաթոշակային քարտով Հայաստանում անկանխիկ գնումներ կատարելիս վերադարձվում է ծախսված գումարի 20%-ը՝ ամսական մինչև 10,000 դրամ (հետվճար)։ Եթե կենսաթոշակային քարտը ArCa է, ապա 1,000 դրամից ավելի գնումների դեպքում դրան գումարվում է ևս 2%։

Երկու հետվճարն էլ չեն տրվում կոմունալ և որոշակի այլ վճարումների համար։ Հետվճարները փոխանցվում են ավտոմատ՝ հաջորդ ամսվա ընթացքում։

63 տարեկանից կարող եք ստանալ Ձեր կուտակային հաշվի գումարը։ Թե ինչպես, կախված է գումարի չափից․ հաշվարկվում է, թե որքան կլինի ամսական վճարը, եթե գումարը բաժանվի մոտ 20 տարվա վրա (63 տարեկանից հետո կյանքի միջին տևողությունը)։

• Եթե ամսական վճարը 25,500 դրամից պակաս է, ինքներդ եք ընտրում՝ ամբողջ գումարը միանգամից, ամսական վճարներ՝ մինչև գումարի սպառվելը, կամ ցմահ ամսական վճար (անուիտետ)։

• Եթե 25,500-ից 170,000 դրամ է, ամբողջ գումարով ստանում եք ցմահ ամսական վճար (անուիտետ)։

• Եթե 170,000 դրամից ավելի է, 170,000 դրամ ստանում եք ցմահ ամսական վճարով, իսկ մնացածը՝ Ձեր ընտրած ձևով։

Մոտավոր ամսական գումարը կարող եք հաշվել այս հաշվիչի «Աշխատանքային» բաժնում։

Դիմումը ներկայացվում է անձամբ՝ Միասնական սոցիալական ծառայության (սոցապ) ցանկացած տարածքային կենտրոնում։ Դիմելն անվճար է։

Կենսաթոշակային տարիքը լրանալուց հետո 3 ամսվա ընթացքում դիմելու դեպքում կենսաթոշակը կնշանակվի տարիքը լրանալու օրվանից։ Ավելի ուշ դիմելու դեպքում այն կնշանակվի դիմելու օրվանից, և նախորդ ամիսների գումարը չի վճարվում։

Կենսաթոշակը վճարվում է անկանխիկ՝ Ձեր ընտրած բանկի քարտին։ Հարցերի դեպքում զանգահարեք 114 թեժ գծին։

Մնացորդը կարող եք տեսնել Հայաստանի կենտրոնական դեպոզիտարիայի կայքում (cda.am) կամ որոշ բանկերի հավելվածներում։